Kreu i PD, Sali Berisha, njoftoi sot se protesta e parë kombëtare kundër atij që e konsideroi si regjimi i Edi Ramës, do të mbahet me 7 korrik.
Berisha kërkoi, gjatë një tryeze me shoqërinë civile, angazhimin e plotë të të gjithë frontit opozitar me regjimin, për suksesin e protestës.
Ndërkohë, deputeti demokrat Belind Këlliçi, në një postim në rrjetet sociale i ka drejtuar një thirrje shqiptarëve që të marrin pjesë në protestën kombëtare të opozitës, që do të mbahet më 7 korrik, në Tiranë.
Këlliçi shprehet se duhet të shpëtojmë Shqipërinë nga rrëzimi përfundimtar.
“Thirrje Jug Veri për t’u ngritur në protestë kombëtare!
Të shpëtojmë Shqipërinë nga rrëzimi përfundimtar!
Në shesh! Të gjithë në shesh!”, shkruan Këlliçi.
