Me parashikimin se vendimi do të ishte negativ, Rama paralajmëroi se nuk do të merrte pjesë në Samitin në Bruksel.
Duket se kryeminstri ka ndërruar mendje nga ky vendim menjëherë pas lajmit se Bullgaria ka vendosur të tërhiqet nga veto për Maqedoninë e Veriut.
Në një postim në rrjetin social ”Twitter” Rama shkruan se do të përfaqësohemi në Bruksel edhe pse është ende herët për të qenë optimist.
Postimi i plotë;
Sapo dëgjova që diçka po lëviz sot në Bullgari. Shumë herët për të qenë optimist dhe shumë pak për të ndryshuar pjesën e fjalimit të nesërm ku Bullgaria kritikohet si një vend që ka rrëmbyer dy vende të NATO-s, ndërkohë që ka një luftë të nxehtë në kufirin e Evropës! Ne do të marrim pjesë në mbledhjen e Këshillit të BE-së. Nuk do të ketë shumë për të dëgjuar për ne, por ne do të kërkojmë të dëgjohemi për idenë e një Komuniteti të Ri Politik Evropian që ne mbështesim, për Ballkanin e Hapur që çon përpara frymën e Evropës dhe për rrëmbimin tonë nga Bullgaria që shkatërron atë.
