Pas arrestimit të ish-kryebashkiakut të Vorës Agim Kajmaku në Itali, i cili u kap me 20 kilogramë drogë, të tjera arrestime janë kryer në vendin fqinj.
Këtë radhë janë kapur 2 shqiptarë të tjerë me kokainë dhe 14 mijë euro cash.
Ata vepronin në zonat e Montefalcos, Trevit dhe Folignos, ndërsa bashkëpunonin edhe me shqiptarë të tjerë, të cilëve u shisnin edhe kokainë.
Karabinierët e Compagnia di Foligno sekuestruan 1.2 kilogramë kokainë,, si dhe 14 mijë eurove cash. Ndërsa u vendosën në pranga 2 shqiptarë pas urdhër-arrestit të lëshuar nga Gjykata e Spoletos.
Mediat italiane shkruajnë se arrestimet vijnë pas një hetimi kompleks, të nisur tetorin e kaluar, përmes të cilit policia arriti të konstatonte episode të shumta të trafikut të drogës, veçanërisht kokainës, në zonat e Montefalcos, Trevit dhe Folignos.
Hetimet e kryera nga policia italiane nxorën në dritë një kompleks i vendosur në një zonë rurale në bashkinë Montefalco, që shërbente si si bazë e logjistikës së trafikut të drogës, ku mbanin të fshehur lëndët narkotike, të cilën e shisnin me shumicën te bashkatdhetarët e tyre.
