Shërbimet e hekurudhave në Mbretërinë e Bashkuar nuk do të funksionojnë plotësisht gjatë ditës së sotme duke paralizuar lëvizjen e qytetarëve, cilësuar një nga grevat më të mëdha në 30 vite.
Mijëra pjesëtarë të stafit në “Network Rail” dhe 13 operatorë hekurudhorë u larguan nga mesnata pasi bisedimet e fundit për të shmangur grevat dështuan.
Shërbimet në të gjithë Mbretërinë e Bashkuar do të preken sot, më datë 23 dhe 25 të këtij muaji dhe vetëm një në pesë trena do të qarkullojnë.
Ndërprerja e madhe është për shkak te mosmarrëveshjeve mbi pagën, sigurinë dhe kushtet e punës.
Sindikata po kërkon një rritje pagash prej të paktën 7% për të kompensuar koston në rritje të jetesës, por thotë se punëdhënësit kanë ofruar një maksimum prej 3% me kusht që të pranojnë edhe shkurtime të vendeve të punës dhe ndryshime në praktikat e punës.
Qeveria thotë se kërkesat shumë të larta për paga do ta bëjnë të vështirë ndalimin e inflacionit në rritje.
Sindikatatat paralajmërojnë një grevë 24 orëshe në metronë e Londrës, e cila gjithashtu do të shkaktojë ndërprerje të madhe në metro.
