Kryeministri Edi Rama, përmes një postimi në rrjetet sociale, shprehet se sërisht në fund të qershorit do të dëgjohet një “Jo, më fal” lidhur me hapjen e negociatave. Madje Rama shkon më tej kur shkruan se i gjithë Unioni i rrëmbyer nga Bullgaria nuk është një spektakël i mirë për t’u parë.
“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së. Duket se një tjetër “Jo, më fal!” do të jetë ajo që do të dëgjojmë në fund!
I gjithë Unioni i rrëmbyer nga Bullgaria nuk është një spektakël i mirë për t’u parë! Çfarë duhet bërë atje?!”, shkruan Rama.
Ky është i disati vit që Shqipërisë i refuzohet hapja e negociatave, edhe pse Qeveria Rama pretendon se ka përmbushur kriteret. Të njëjtin qëndrim mbajnë edhe disa nga burokratët e Brukselit, por sa herë ofron data për marrjen e një vendimi, Shqipërisë dhe Maqedonisë së Veriut, i refuzohet hapja e negociatave.
Së fundmi pengesa shihet te Sofja, pra Bullgaria, e cila ka vendosur veton në raport me Maqedoninë e Veriut, dhe duke qenë se ajo ndodhet në një grup me Shqipërinë, të dy vendet nuk përfitojnë as këtë rradhë.
