Deputeti i PD-së, Tritan Shehu, shkruan në rrjetet sociale se ndërsa Edi Rama ndodhet në Prishtinë, Kuvendi në Tiranë për turp bllokon rezolutën ndaj gjenocidit serb në Kosovë.
Sipas tij, në atë takim Rama do të tentojë përsëri të servirë në një “tabaka” si ëmbëlsirë “Ballkanin e hapur”, e cila është ‘helm’ i kuzhinës së Serbisë.
“Pra, hipokrizi e plotë ajo që ai kërkon të luajë sot në Prishtinë! Shkelje mbi viktimat, vuajtjet e sakrificat e popullit të Kosovës.
“Thikë mbas shpinë” ndaj partnerëve tanë, të cilët të bazuar mbi ato krime e gjenocid, ndërmorën ndërhyrjen ushtarake, që çoi në çlirimin ec pavarësinë e Kosovës.
Një “avokati” tjetër kjo ne mbeshtetje te Vucicit, qe jo vetem nuk pranon ate genocid, por e quan agresion ate nderhyrje shpetimtare te NATO.
Dhe më tej “betohet” për Kosovën e Metohinë si pjesë e Serbisë.
Nga ana tjetër sot në atë takim Rama do të tentojë përsëri të servirë në një “tabaka” si ëmbëlsirë “Ballkanin e hapur”, për hir të të cilit: Kosova duhet ta harrojë atë genocid!
Por dhe më shumë se kaq, Kosova duhet të bindë veten se ato krime nuk kanë ndodhur kurrë.
Ndoshta gjithçka ka qënë një “ëndërr” apo thjesht diçka e sajuar nga ata ushtarë të NATO-s, që të mund të hynin me 12 Qershor! Kosova e gjitha duhet të vuajë nga Alzheimer- rekomandon Rama.
Kjo qenka në të mirë të saj, sepse ndryshe rrezikohet ai “Ballkani i hapur” i Vucic, i servirur si një ëmbëlsirë në tabaka prej tij.
Kur në fakt ai është vetëm një “helm” i kuzhinës së Serbisë për të zbehur pavaresinë e Kosovës, konsoliduar hegjemoninë e saj, krahas pasojave të tjera dëmtuese, që përmban për Shqipërinë, Kosovën e Rajonin.
Kjo është e vërteta e asaj komedie që Rama do të perpiqet të luajë sot në Prishtinë. Sa do ta besojë Prishtina e çfarë përgjigje do t’i japë, kjo mbetet për t’u parë…. …Por unë jam optimist për prologun!”-shkruan Tritan Shehu.
