Kryeredaktori i gazetës RD, Bledi Kasmi, përmes një postimi, ka bërë një krahasim mes sekuestrimit të pasurive të familjarëve të deputetit Kasem Mahmutaj dhe mosveprimit me të njëjtin standart ndaj zyrtarëve socialistë, të përfshirë vetë apo familjarë të tyre në trafikun e drogës.
Kasmi shkruan se vëllai i deputetit Mahmutaj ishte dënuar në Itali për trafik narkotikësh para 29 vitesh, ndërsa sot i bllokohet pasuria, ndërkohë që Agim Kajmaku, i arrestuar para pak ditësh në Itali për trafik kokaine, nuk i bllokohet asnjë pasuri.
Nga Bledi Kasmi:
Vellai i deputetit të PD, Mahmutaj rezulton të jetë dënuar për trafik lëndësh narkotike në Itali në vitin 1993, pra 29 vite më parë. Pas plot 29 vitesh drejtësia politike e regjimit i bllokon të gjitha pasuritë jo vetëm atij, por edhe të vëllait vetëm se është deputet i PD dhe ju bashkua Berishës.
Ndërkohë, Kajmaku i Ramës kapet në flagrance trafiku droge, jo para 30 vitesh, por para 3 ditësh, dhe në llogari i gjenden 2 milionë dollare, por drejtesia politike e regjimit nuk i prek asnjë kacidhe, po ashtu si edhe Tahirit, Terit, Xhafës dhe të gjithë bandës në pushtet.
SPAK është hanxhari politik i regjimit, që bllokon pasuritë e një deputeti vetëm se vëllai i tij është dënuar para 30 vitesh, por nuk guxon të prekë asnjë euro të vetme pasuri të organizates kriminale në pushtet!
Kjo është reforma e dështuar e drejtësisë.
