Një sherr mes fqinjësh në kryeqytet ka përfunduar me plagosjen rëndë të njërit prej tyre. I lënduari, një 32-vjeccari, sipas policisë, është shtyrë duke rënë nga kati i dytë i hyrjes së pallatit ku ndodhi konflikti mes fqinjëve.
Ai është transportuar për në spital, ndërsa fqinji është arrestuar.
Këtë të Shtunë, policia e Tiranës konfirmoi vënien në pranga të 47-vjeçarit me iniciale R.A.,, për veprën penale “Plagosja e rëndë me dashje”, i dënuar më parë për armëmbajtje pa leje dhe plagosje.
R.A., gjatë një konflikti për motive të dobëta, ka shtyrë nga parvazi i katit të dytë, fqinjin e tij, M.A., 32 vjeç, i cili si pasojë është dëmtuar dhe ndodhet në spital, nën kujdesin e mjekëve, shtuan të njëjtat burime.
