Në qytetin Bigastro të Alicante në Spanjë nuk flitet për asgjë tjetër përveçse vdekjes së një djali 2-vjeçar shqiptar në trupin e të cilit kishte mavijosje të ndryshme. Në fillim çështja u trajtua si një aksident në familje, por duke parë se lëndimet nuk përputheshin me versionin e nënës, policia e konsideroi si “vdekje të dhunshme”.
Nëna e fëmijës e identifikuar si Hatixhe Kamxhiu tani ndodhet në burg e akuzuar për vrasjen e njërit prej fëmijëve të saj dhe për plagosjen e binjakut tjetër.
“Në fillim u tha se ai kishte rënë nga një karrige e lartë”, – shpjegon për mediat vendase një grua e këtij qyteti.
Në fillim fqinjët e kanë empatizuar shumë nënën, 32-vjeçare shqiptare pasi menduan se fëmija e saj kishte pësuar një aksident fatal.
“Ne iu bashkuam asaj sepse të tillë jemi këtu”, – thotë një tjetër nga fqinjët.
Ishte nëna e të vegjëlve që telefonoi në numrin e telefonit të urgjencës më 11 qershor për të lajmëruar aksidentin e supozuar që kishte pësuar një nga fëmijët e saj.
Hetuesit vunë re se edhe vëllai i tij binjak kishte mavijosje në trup. Ai u dërgua në Spitalin e Përgjithshëm të Alicantes ku iu krye një studim i detajuar i dëmtimeve.
Hatixhja nuk kishte precedentë penalë, por më parë kishte humbur kujdestarinë e të miturve për shkak të varësisë nga droga. Të njohurit e saj thonë se ajo ishte një grua të vetmuar dhe me pak miq.
“Ajo ishte gjithmonë shumë nervoze. Qortonte fëmijët e saj për gjithçka” – thotë një fqinj.
“Ajo u bërtiste gjithmonë”, – thotë një tjetër që e kishte pytur gruan një ditë se përse djali kishte shenja kafshimi në krahë, por ajo ishte justifikuar se fëmijët ishin grindur me njëri – tjetrin.
“Një ditë i thashë të mos i qortojë kështu fëmijët”, – shpjegon një nga fqinjët.
Askush nga fqinjët nuk e di kush është babai pasi ajo ka ardhur e vetme të banojë në këtë qytet. Hatixhja ka edhe një vajzë 9-vjeçare, e cila sipas fqinjëve, mund të jetë në shtëpi me gjyshërit e saj nga babai.
Hatixhe Kamxhiu akuzohet për veprën penale të vrasjes së të miturit dhe plagosjen e vëllait binjak. Ajo vetë i ka mohuar akuzat.
