Një pensioniste e pranishme në protestën qytetare përballë Kryeministrisë kundër rritjes së çmimeve, tha se kryeministri Edi Rama pi një kafe 5 mijë lekë, ndërsa ata marrin 2 mijë lekë pension në ditë. Thirrja e saj është që shqiptarët të rrëzojnë këtë qeveri.
”Qytetarë, fëmijë, prindër të gjithë. Çfarë presim më nga kjo qeveri. Ne po na vdes kjo qeveri me 100 mijë lekë pension. Çfarë të bëjë me ato. Rama pi 5 mijë lekë kafe, kurse ne 2 mijë lekë e kemi ditën e pensionit. Këtë të mendojë Rama. Të na ngrejë pensionet se na vdiqën. Të ngrihet gjithë populli, ta përmbysin këtë qeveri, të qelbët. Po vija rrugës por po më binte të fikët nga buka, se jam pa ngrënë. Rrëzojeni këtë qeveri të qelbur”.
Kurse një person me aftësi të kufizuara tha se qeveria nuk merr parasysh nevojat jetike dhe se megjithëse çmimet ngrihen janë të detyruar të jetojnë me 70 mijë lekë të vjetra në muaj.
”Jam Genc Tepelena, kemi shumë probleme, por qeveria nuk merr parasysh asnjë nevojë jetike, por vetëm ngrenë çmime dhe japin minimumin jetik 70 mijë lekë të vjetra. Është turp dhe qesharake. Iu bëj thirrje të gjithëve të bashkohen në protestë që rinia shqiptarë të mos ikë”.
