Kryeministri Edi Rama, në konferencën e përbashkët me Presidentin ukrainas Volodymyr Zelenksy dhe kryeministrin malazez, Dritan Abazoviç, nuk e dënoi Rusinë dhe Vladimir Putin për agresionin ushtarak të paprovokuar ndaj një vendi fqinj, teksa i drejtohemi muajit të katërt të pushtimit.
Në deklaratën e tij, Rama nuk iu referua Rusisë si shkaktare të konfliktit dhe njëherazi, edhe shkaktare e krizës së çmimeve dhe asaj ushqimore në të ardhmen, që ka shkaktuar në të gjithë botën.
Kryeministri foli për rrugëtimin e Ukrainës drejt anëtarësimit në BE, edhe pse emergjenca në këto momente është pushtimi rus dhe pasojat e tmerrshmë thuajse në të gjithë territorin.
Rama i kërkoi BE-së t’i japë Ukrainës statusin e vendit kandidat, megjithëse ai nuk ka asnjë ndikim te asnjë nga autoritetet europiane, përsa kohë prej 9 vitesh që drejton Qeverinë nuk i hapen negociatat Shqipërisë, edhe pse trumpetohet me të madhe plotësimi i kushteve.
Vizita e Ramës në Ukrainë, ashtu siç edhe u paralajmërua, u shndërrua në njëshow dhe ndoshta me rikthimin në Tiranë, do të vijojë propaganda për ditë e javë me rradhë.
