Ish-deputeti Genc Pollo, përmes rrjeteve sociale, shkruan se Edi Rama dhe Erion Veliaj vijojnë të dëmtojnë Kosovën.
Referuar tranferimit të festivalit “Sunny Hill” në Tiranë, Pollo shkruan se një festival muzikor në Prishtinë apo Tiranë nuk do të kishte shumë rëndësi, por një eveniment ndërkombëtar në Prishtinë është më i rëndësishëm e më i dobishëm në Prishtinë, sepse direkt e indirekt kontribuon në Kosovën si subjekt ndërkombëtar, si shtet sovran e i pavarur.
Postimi nga Genc Pollo
Një festival muzikor në Prishtinë apo Tiranë nuk do të kishte shumë rëndësi.
Por një eveniment ndërkombëtar në Prishtinë është më i rëndësishëm e më i dobishëm në Prishtinë. Sepse direkt e indirekt kontribuon në Kosovën si subjekt ndërkombëtar, si shtet sovran e i pavarur.
Joshja e transferimi i #SunnyHillFestival në Tiranë nga Rama e Veliaj mund të kënaqë shumë fansa këtu e të mërzisë ata në Prishtinë.
Por Kosovën, ende të pastabilizuar krejt ndërkombëtarisht për shkak të Serbisë së Vuçiçit, e demton jo pak.
Mbasi e ka dëmtuar shumë me BallkanHapu! Tok me Vuçiçin!
Vazhdojnë në një linjë.
