Dështimi i tij për t’u transferuar nga Bundesliga në Premier League u zbulua nga ish-menaxheri i Robert Lewandowski, sulmuesi i Bayern-it.
Në fakt, Manchester United dhe Chelsea, sipas mediave angleze dhe spanjolle, i kanë vënë sytë polakut që e ka refuzuar kategorikisht një transferim në Angli.
“Ky është një problem i vjetër, por e ka kushtëzuar lojtarin. Gjithmonë e kam dëgjuar Robertin të japë një shpjegim fëminor për zgjedhjen për të mos shkuar në Angli. Ai përsëriste se atje binte shpesh shi.
“Kështu më tha kur hodhi poshtë ofertat nga klubet angleze”, tha për Sport1.de ish-menaxheri i futbollistit, Cezary Kucharski.
Tani Lewandowski përfaqësohet nga Pini Zahavi, i cili është duke biseduar me Barcelonën për kalimin në klubin katalanas pavarësisht se kontrata me Bayernin skadon në vitin 2023.
