Nga Boldnews.al
Nëse korrupsioni do të luftohej me konferenca, projekte inagjinare të qeverisë sonë, mbajtje seminaresh dhe takime në salla të mbyllura apo sheshe të hapura, ndoshta Shqipëria do ishte një “provincë” nordike, ku fjala korrupsion prej dekadash ka mbetur e harruar.
Por jemi mu bash e në Tiranë, aty ku rëndësi ka çfarë thuhet, jo çfarë bëhet. I tillë ishte takimi 2 ditor me temën “anti-korrupsioni”, ku morën pjesë kryeministri Edi Rama, ambasadoerja amerikane në Tiranë Yuri Kim, monistra dhe drejtorë të dikastereve të rëndësishme.
Korrupsioni u tremb… Sidomos kur ambasadorja amarikane në Tiranë Yuri Kim deklaroi se qeveria shqiptare është e angazhuar që të lëftojë këtë fenomen, duke lëshuar edhe një lumë levdatash që zgjatën disa minuta. Në krah ishte Rama, ministri Maja dhe të tjerë.
Tallje me publikun ishte pak të thuash. Pasi ishte njësoj sikur përdhuesi të bëjë moral që femrat nuk duhet të preken, sikur hajduti të mbajë referatë se djersa e tjetrit nuk duhet marrë, apo sikur trafikanti i drogës të mbajë referime nëpër shkolla se përdorimi i narkotikëve dëmton shëndetin.
Foli Rama në fillim. Ai u mburrur se me ofrimin e shërbimeve online korrupsioni po zhbëhet dhe se ai ishte aq shumë i merakosur sa e kishte “sfidën e jetës”. Gjatë ligjëroi për të mbushur kohën dhe dukshëm salla bënte sikur kuptonte dhe besonte. Foli edhe Kim më pas, duke harruar se shteti që ajo përfaqëson e ka të shkruar qartë raportin zyrtar të Departamentit Amerikan të Shtetit (DASH) se: “korrupsioni është shtrirë në të gjitha nivelet qeverisëse në Shqipëri”. Këtë raport mund ta ketë lexuar, por nuk dihet ku e ka lënë dhe asnjeherë nuk e ka përmendur, jo këtë vit, por në çdo vit që ajo ushtron detyrën e ambasadores.
Mbajti një alamet fjalimi edhe Ulsi Maja, ministri që këtu e gjashtë vite më parë u kap në përgjime në dosjen 184, ku minimalisht duhej akuzuar si i përfshirë si në shitblerjen e votave ashtu edhe ndikimit të paligjshëm në emërimin e drejtuesve të Policisë së Shtetit. Jo vetëm nuk e gjeti gjë nga ajo ngjarje, por shkoi edhe ma nalt… Ministër Drejtësie, një post që dregon shumë, duke i varur edhe këmborën e njësisë anti-korrupsion e cila është kthyer në institucion gjuetie, për të goditur aty ku duhet dhe jo aty ku është fenomeni.
Mbajti referat edhe zëvendëskryeministri Arben Ahmetaj, duke shpjeguar se aplikimet për shërbimet online në e-albania kishin minimizuar korrupsionin. E mbajti fjalimin e gjatë, plot patos dhe energji edhe pse emri i numrit dy të qeverisë qarkullon kaq dendur në SPAK, por askush prej Spak’istave nuk guxon as të thirrë si dëshmitar. Po tenderat e inceneratorëve nëpërmjet e-albania-s janë bërë?
Të gjithë dolën të lumtur, duke nënqeshur edhe me veten se qenkan aq të zotë sa kurrupsionin e ndërtuar me duart e tyre mund të “shkatërrojnë” me goditje “3D”, siç ishte edhe kjo konferencë e mbajtur në buzsën e nisjes së pushimeve verore. Kanë nevojë për pak relaks me ironi therëse që shkon për të keqen e qytetarëve që për të marrë një shërbim, një pronë, apo kujdesur për shëndetin më parë duhet të lyejnë rrotën e karrocës qeveritare që ecën pa u ndalur prej nëntë vitesh.
