Ish-deputeti i PD-së, Kastriot Islami, i ftuar në emisionin “Me Xhaxhiun” në Fax News ka komentuar situatën politike në vend dhe krizën në PD.
Islami nuk kurseu kritikat për kryeministrin Edi Rama, i cili sipas tij ka ardhur në pushtet prej raporteve me grupet kriminale dhe oligarkët.
Gjithashtu Islami zbuloi “prapaskenat” dhe pretendimet e Lulzim Bashës për të shpallur non grata ish-kryeministrin Sali Berisha që sipas tij kanë ardhur nga lobimi i Sorosit.
“Nuk jam më pjesë e PS, biles ndjej lumturi të madhe që nuk isha pjesë e PS. Jam i lumtur që jam shkëputur nga kjo parti që është kthyer në parti e Kajmakut me shokë.
PS është kthyer në sekt, nuk bëhet fjalë për një parti të majtë dhe liberale. Në sekt është kthyer dhe mundohet t’i fitojë zgjedhjet duke përdorur individë me raporte kriminale, duke përdorur oligarkët të cilët marrin para nga buxheti i shtetit. As e djathta nuk është kundër të djathtës pasi oligarkia është dicka tjetër. Oligarkia është përdorimi i pushtetit për të bërë pasuri, për interesat e një grupi të vogël që pastaj kthehet në sekt që nëse nuk je me ata përjashtohesh. Në krye të këtij sekti është Rama. Rama kishte idenë që të merrte pushtetin me kriminelë, do të marrë pushtetin me njerëz të pasur, nuk i duhen njerëz si Kastriot Islami. Me ardhjen e Ramës PS u transformua në sekt duke futur në parti persona me rekorde kriminale të cilët janë në gjendje të kërcënojnë njerëzit dhe të blenë votat. Pasi blenë votat shumica e këtyre kërkojnë toka në bregdet. Të gjithë këta që kanë blerë vota, marrin në shkëmbim toka në bregdet.
Cdo individ në Shqipëri ka tentuar ta mbajë pushtetin. Që kur ka ardhur në PS , Rama e ka mbajt pushtetin me individët kriminalë dhe ata me lekë. Është hera e parë në historinë 30-vjeçare që një forcë politike lejhohet nga ndërkombëtarët duke mbajtur pushtetin me kriminelët dhe me njerëzit me lekë. Rama ka garantuar mbështetjen ndërkombëtare nga faktori i rëndësishëm në SHBA që është partia në pushtet dhe konkretisht George Soros. Ky ka marrë mbështetjen e SHBA për shkak se bën disa detyra që disa të tjerë nuk i bëjnë”, tha Islami.
Përsa i takon krizës në PD, ish-deputeti u shpreh se është e induktuar nga jashtë, nëpërmjet Ramës i mbështetur nga Sorosi.
“Edi Rama për të qenë i qetë në pushtet i ka kërkuar atyre, të godasim PD dhe opozitën. Edi Rama cdo ditë i dalin kriminelët në qeveri, nuk janë ata kryesorët që duhet të goditen por Ilir Meta dhe Sali Berisha. Kanë dobësuar opozitën duke e futur në krizë. Këta kërkuan që Berisha të shpallet non grata, por nuk kishte fakte dhe argumente.
Berisha thotë e zgjidh vetë këtë në gjykatë. Kurse Bashës iu kërkua që të përjashtohet nga partia dhe grupi i PD pa pasur fakte dhe prova.
Bashës i kanë thënë do ikësh vetë në burg nëse kërkon fakte dhe prova. Madje Basha ka shkuar edhe më larg kur erdhi ambasadori Riker dhe në zyrë kanë dy dëshmitarë që ia ka bërë presion për të përjashtuar Berishën.
Është gati e pabesueshme ky pretendim i Bashës. Këto janë gjëra të rënda që kanë ndodhur. Tani del një pjesë që thotë “non grata” mos flasë”, u shpreh Islami.
