Nga Petrit Vasili
Harta e Re Gjyqësore, megjithese flet edhe Parlamenti Europian në mënyrë shterruese, mafiozët në qeveri vazhdojnë me kokëfortësi.
Rezoluta e Parlamentit Europian që u miratua në 19 maj, vetëm tre javë më parë, adreson shumë qartë problemin skandaloz të Hartës së Re gjyqësore dhe thekson:
Se reforma e sistemit gjyqësor sipas Hartës së Re të Gjyqësorit duhet të marrë në konsideratë opinionet e palëve të interesuara dhe kushtet socio-ekonomike të grupeve vulnerabël dhe të përmirësojë aksesin në drejtësi dhe procesin e duhur ligjor;
Pika 37.(neë judiciary map should take into consideration stakeholders’ opinions and the
socioeconomic conditions of vulnerable groups and improve access to justice and due legal process;”)
Nderkaq Qeveria me arrogancen dhe paaftesine tashmë të njohur vazhdon me kokëfortësi në rrugën e miratimit të një Harte Gjyqësore, që rrënon përfundimisht Reformën në Drejtësi dhe asgjëson të drejtat bazike të qytetarëve për akses të lehtë dhe pa kosto në drejtësi, si dhe për procese të drejta ku të jenë të barabartë në çdo pikpamje përpara ligjit.
Kjo Hartë gjyqësore është një antireformë e rrezikshme sepse:
Kjo Hartë Gjyqesore pengon rritjen e aksesit, cilësisë dhe reduktimin e kostove për qytetarët në marrjen e drejtësisë dhe në respektim të së drejtës për një proces të rregullt gjyqësor.
Përpilimi i kesaj Harte Gjyqesore nuk u parapri nga asnje konsultim ne fazen e ideimit te saj me Grupet e Interesit, duke ecur me logjiken e faktit te kryer dhe te dhunes se kartonave.
Kjo Hartë e re gjyqësore nuk merr për bazë nevojat e komuniteteve qytetare qe ndodhen në vështirësi, sidomos kategori të veçanta sociale si minoriteti Rom dhe Egjiptian, gratë në nevojë, të rinjtë dhe të miturit, pensionistët, personat me aftësi të kufizuar, komuniteti LGBTI, qytetarët në pamundësi ekonomike, shtetasit e privuar nga liria.
Kjo Hartë e re Gjyqesore nuk ka vlerësuar shpërndarjen dhe përqëndrimin e popullatës në njësitë administrative të secilës bashki dhe kjo analizë e munguar ka krijuar shpërndarje absurde të gjykatave sipas këtij gjoja riorganizimi te ri.
Kjo Hartë e re Gjyqesore nuk merr parasysh nje nga problematikat me delikate sic është largësia gjeografike, që shumë qytetarë kanë nga Gjykatat dhe si mundësitë e kufizuara të transportit dhe ato financiare individuale per te perballuar kete transport te larget dhe absurd.
Një Hartë e tille arbitrare shkakton realisht asgjesimin e mundesise reale per akses te lehtesuar ne drejtesi dhe realizimin e vertete te barazise perpara ligjit e te pa ndikuar nga asnje faktore sociale ekonomike qe krijon pabarazi.
Qeveri terhiqu menjehere!
Qeveri ulu ne tavoline me grupet e interesit!
Qeveri Drejtesia nuk eshte prona jote, por e drejte e çdo qytetari!
Qeveri boll ju kundervure jo vetem qytetareve, por edhe Europes!
Qeveri boll u solle si mafioze dhe shkaterruese e Reformes ne Drejtesi dhe te drejtave te qytetareve per drejtesi!
