Janë zbardhur detaje nga shkatërrimi i bandës së kokainës që vepronte mes Ekuadorit, Kolumbisë dhe Shqipërisë.
“Koka” e trafikut ndërkombëtar të lëndëve narkotike ishin dy shqiptarë. Ndaj tyre janë lëshuar dy urdhër-arreste.
Gjatë operacionit të koduar “Bitcoin”, policia ka sekuestruar në Peru 2.2 tonë kokainë. Në këtë operacion janë arrestuar në total 7 vetë, ndër ta 2 shqiptarë ndodhen në kërkim.
Mediat e huaja shkruajnë se kokaina kishte si destinacion shtetin e Holandës, ndërsa shqiptarët kishin fshehur drogën në kanaçe.
“Kjo është një organizatë kriminale me lidhje në Kolumbi, Ekuador dhe Shqipëri. Ne po koordinohemi me autoritetet ndërkombëtare për të zbuluar vendndodhjen e dy shqiptarëve që kanë mbërritur në vendin tonë në koordinim me mafien shqiptare.
Droga e lëngshme ishte e kamufluar në kanaçe dhe ishte transportuar me një kamion në Portin e Callao. Kjo organizatë kriminale planifikonte të paguante kokainë me monedha virtuale (Bitcoin)”, u shpreh kreu i Drejtorisë së Ant-drogës në Peru, xCésar Echevarría.
