Një 31-vjeçar nga Vlora ka rënë pre e grabitjes në Durrës. Policia njofton se pranë kolegjit “Turgut Ozal”, të riut i kanë vjedhur mjetin tip “Audi A7”, sapo ka dalë jashtë tij për nevoja personale.
“Më datë 09.06.2022, në Durrës, shtetasi F. S., 31 vjeç, banues në Vlorë, ka kallëzuar se në afërsi të kolegjit ‘Turgut Ozal’, pasi ka ndaluar mjetin të cilin e kishte lënë të ndezur, dhe ka dalë jashtë tij për nevoja personale, persona të paidentifikuar, i kanë vjedhur mjetin tip ‘Audi A7′”, thuhet në njoftimin e bluve.
Grupi hetimor po punon për sqarimin e rrethanave te ngjarjes dhe identifikimin dhe kapjen e autorëve, ndërsa materialet i kaluan Prokurorisë, për veprime të mëtejshme procedurale për veprën penale “Vjedhja”, shtuan të njëjat burime.
