Kancelari i Gjermanisë, Olaf Scholz, i ka kërkuar presidentit të Serbisë, Aleksandar Vuçiç t’i bashkohet sanksioneve të Bashkimit Evropian ndaj Rusisë.
Serbia nuk është në BE, megjithëse ka aplikuar për anëtarësim dhe është në bisedime. Scholz ishte sot në Beograd, kryeqytetin e Serbisë, për të takuar presidentin e vendit Aleksandar Vuçiç.
Duke folur në një konferencë për mediat, Scholz tha se bashkimi me sanksionet kishte kuptim, duke pasur parasysh se Serbia aspironte të bashkohej me bllokun 27-anëtarësh.
Por Vuçiç tha se BE-ja duhet të marrë parasysh faktin se Serbia dhe Rusia kishin marrëdhënie të veçanta që datojnë shumë kohë më parë.
