Bord Komunist e ka cilësuar kryeministri Edi Rama Bordin e Transparencës për çmimin e karburanteve. Kjo deklaratë e Ramës ka ardhur në një kohë ku çmimi i naftës në vend është rritur në 258 lekë për litër, ndërsa në rrjetet sociale është bërë thirrje për protesta.
Kreu i qeverisë teksa nga njëra anë pranoi se Shqipëria ka çmimin më të lartë të karburantit në rajon, por nga ana tjetër shtoi se vendi ynë ka taksa të tjera më të ulëta.
“Nuk është sekret por e vërtetë. Ne kemi dhënë argumente. Është e vërtetë që kemi çmim të lartë më të lartë se të tjerët.. Por Ndryshe nga të tjerët ne kemi taksat më të ulëta se ndryshe nga rajoni ne biznesit të vogël nuk i marrim asnjë lekë. Zero taks dhe zero TVSH deri në 100 milion xhiro. Ndryshe nga rajoni ne vërtetë e kemi më të lartë taksën mbi biznesin e madh por ne subvencionojmë 100% energjinë elektrike. Ndryshe nga rajoni ne ju japim para dhe do jua japin të gjithë shqiptarëve që lëvizin me transportin publik. Ne do të vazhdojmë të japim para për fermerët për naftën. Fermerët e regjistruar, kemi folur të shtojmë këtë. Dhe do jua japim. Ndryshe nga rajoni ne kemi industri peshkimi në rritje.” tha Rama.
“Ne nuk jemi komunizëm por ekonomi tregu. Kemi një bord komunist. 100% Bord Komunist. Është shumë jashtë normale. Por na duhet”, u shpreh ai.
