Nga foltorja e Kuvendit, ish-Kryeministri Sali Berisha, deklaroi se ky është Parlamenti më famëzi në historinë e Shqipërisë.
“Ky Parlament si kurrë ndonjëherë në historinë 31-vjeçare ka drejtimin më banal, më antiligjor, shkurt me një fjalë, funksionon si dyqani personal i Lindës, tek i cili po të ishte për probleme personale, për veshje personale, do të preferoja i zhveshur të rrija dhe të mos blija kurrë.
Nuk ka ligj, nuk ka Kushtetutë, nuk ka rregullore që nuk shkel zonja për të mbrojtur Edi Ramën.
Ky Parlament do të mbetet famëzi në historinë e Shqipërisë sepse me votën e pseudomazhorancës së tij, për presidentin e Partisë Socialiste vulosi në mënyrën më të papërgjegjshme, më antidemokratike dorëzimin për herë të parë pas 31 viteve të të gjitha pushteteve, ekzekutiv, legjislativ gjyqësor, institucioneve të pavarura, pushtet ekonomik një partie të vetme, njëlloj si në Bjellorusinë e Lukashenkos”, tha Berisha.
