Në një kohë kur Bordi i Transparencës ka publikuar çmimet e reja të tregtimit të karburanteve, ku 1 litër naftë do të shitet me 258 lekë, ka ardhur reagimi i parë nga Partia Demokratike, përmes deputetit Belind Këlliçi.
Ky i fundit shkruan në rrjet se karburantet në Shqipëri po tregohen më shtrenjtë se në Luksemburg.
“Lufta në Ukrainë paska patur efekt vetëm mbi Shqipërinë.
Ndërkohë Partia e Inceneratorëve organizon ahengje. Hapja e një picerie me kafshë plastike, e quajtur kopësht zoologjik, është një arritje e madhe e Rilindjes Socialiste.
Një radhë e gjatë makinash, në dukje ndaluar në shenjë proteste për çmimet e karburanteve, prisnin me durim hyrjen në picerinë zoologjike”, shkruan Këlliçi.
Postimi nga Belind Këlliçi
Karburanti në Shqipëri më shtrenjtë se në Luksemburg!
Ama disi më lirë se në Singapor, vendet skandinave dhe Hong Kong, do mburret qeveria.
Më shtrenjtë se kudo në Ballkanin Perëndimor.
Lufta në Ukrainë paska patur efekt vetëm mbi Shqipërinë.
Ndërkohë Partia e Inceneratorëve organizon ahengje. Hapja e një picerie me kafshë plastike, e quajtur kopësht zoologjik, është një arritje e madhe e Rilindjes Socialiste.
Një radhë e gjatë makinash, në dukje ndaluar në shenjë proteste për çmimet e karburanteve, prisnin me durim hyrjen në picerinë zoologjike.
