Mjeshtri Bujar Kapexhiu ka ironizuar Kryeministrin Edi Rama, i cili nuk nguron të fshehë miqësinë me Presidentin serb, Aleksandar Vuçiç, ndërsa të dy bashkv mbajnë në këmbë nismën e “Ballkanit të Hapur”, e cila së fundmi ka marrë publikisht mbështetje edhe nga Rusia.
Kapexhiu ka paraqitur Ramën si kryeministër të shqiptarëve por që përfaqëson denjësisht serbët, duke mbajtur poshtë xhaketës së tij foton e presidentit serb Aleksandër Vuçiç dhe duke theksuar se ‘është i hapur për Ballkanin e Hapur’.
Gjithashtu ajo që bie tjetër në sy janë vendet bosh në xhaketën e Ramës, të shteteve që nuk i janë bashkuar kësaj nisme, por që Rama dhe Vuçiç kanë theksuar se nuk do u luten më shteteve që e kanë refuzuar Ballkanin e Hapur.
