Tre anëtarë të familjes Ahmeti në Ksamil mbetën të plagosur si pasojë e dhunës së ushtruar mbi ta me sende të forta nga disa persona. Të plagosur nga sherri mbetën Tiku Ahmeti, Luli Ahmeti dhe Flamur Ahmeti.
Nga raportimet mësohet se Luli Ahmeti është nisur me helikopter drejt Tiranës pasi ka marrë plagë më të rënda, ndërkohë që dy të tjerët janë duke u trajtuar në spitalin e Sarandës.
Tiku Ahmeti, i cili ushtron një aktivitet biznesi në zonë ka thyrje të kockave në trup, kurse Flamuri ka dëmtime më të lehta.
Mësohet se policia ka arritur të identifikojë një nga dhunuesit, i cili është 21 vjeçari Gj.A nga fshati Shendelli.
Raportohet se 21-vjeçari ka qenë dhe me precedentë të mëparshëm penalë.
