Analisti Baton Haxhiu tha se me zgjedhjen e Bajram Begajt në postin e Presidentit, Kryeministri Edi Rama ka shpatullat e ngrohta.
Haxhiu tha se Begaj, nga natyra e tij, ka një seriozitet që mund ti japë një dinjitet përfaqësimit të Shqipërisë në arenën ndërkombëtare. Sipas tij, Begaj s´besoj se do të ketë ambicie politike në përfundim të mandatit presidencial, dhe kjo do e bëjë një President që do të mbrojë vendin, imazhin e Shqipërisë.
“Besoj se do të ketë profilin që do e respektojë Kushtetutën, do e promovojë Shqipërinë dhe do mbrojë shtetin, veçanërisht në aspektin ndërkombëtar. Besoj se do të jetë strikt edhe për shkak të formimit si ushtarak”, tha Haxhiu.