Presidenti Ilir Meta komentoi në emisionin ‘Çim Peka Live’ tjetërsimin e paligjshëm të pronave të ushtrisë.
Meta tha se përgjegjësinë kryesore e ka Ministria e Mbrojtjes ndërsa shtoi se SPAK duhet të veprojë.
“Shkelja e ligjit lidhje me tjetërsimin e paligjshëm të pronave të ushtrisë. Për këtë çështje kemi qenë në një komunikim të vazhdueshëm me Ministrinë e Mbrojtjes.
Mendoj se është çështje shumë e hershme. Ka qenë në vazhdimësi. Përgjegjësinë kryesore e ka Ministria e Mbrojtjes që administron këtë proces në raport me Presidencën dhe në çdo aspekt tjetër.
Se cila është përgjegjësia konkrete e gjithësecilit nuk mund ta them se s’kam pasur një përgjigje nga SPAK. SPAK të vendosë para përgjegjësisë ata që kanë shkelur ligjin”, tha Meta.