Neritan Sejamini, i ftuar në emisionin “Të Paekspozuarit” në MCN TV, ka komentuar zgjedhjen e Bajram Begajt si President i Republikës.
Neritan Sejamini, i ftuar në emisionin “Të Paekspozuarit” në MCN TV, ka komentuar zgjedhjen e Bajram Begajt si President i Republikës.
Sejamini tha se Rama përdori një “karrem” për opozitën, duke bërë sikur po ofronte konsensus dhe në këtë mënyrë shmangu një debat të rëndësishëm lidhur me kompetencat dhe rolin e Presidentit, të reduktuar maksimalisht pas ndryshimeve Kushtetuese të vitit 2008.
“Rama me mënyrën si organizoi gjithçka, shmangu diskutimin që duhet të bëjmë sot për Presidentin.
Duke ofruar në dukje mundësi për bashkëpunim dhe opozita e hëngri dhe u mashtrua, Rama mbajti lart këtë lloj diskutimi. E akuzojmë Ramën se ka grumbulluar të gjithë pushtetet në duart e tij. Për një muaj e ca u krijua ideja se mund të ketë konsensus. Të gjithë në politikë e hëngrën këtë karrem dhe lojë.
Edhe opozita, pjesa tjetër, bëri një rregullore edhe ajo për të treguar si duhet të jetë presidenti. U krijua ideja që edhe mund të na e japë Presidentin.
Por, problemi kryesor është, në sistemin tonë Presidenti ka rolin për balancimin dhe kontrollin e disa pushteteve. Me ndryshimet e 2008, Presidenti është bërë qesharak tërësisht. Po të ishte si më përpara, do të kërkonte vërtet konsensus. Këto probleme u anashkaluan sepse u morën me konsensusin.
Të premten u mblodh kryesia e partisë, u thirr presidenti dhe pranoi, u mblodh PS dhe grupi parlamentar që mblodhi firma. U mblodh Komisioni Parlamentar. Presidenti i Republikës dekretoi dhe ç’dekretoi. Pra gjithçka u bë formale. Qe një shfaqje qesharake që e shton idenë, që mënyra si e kemi rregulluar ne zgjedhjen e presidentit, është e falimentuar”, tha Sejamini në TPZ.