Mjeshtri Bujar Kapexhiu, anëtar i Këshillit Kombëtar të PD-së, ka ironizuar me karikaturën e tij të radhës, Kryeministrin Edi Rama dhe Presidentin e ri të Republikës Bajram Begaj.
Kapexhiu me punimin e tij shfaq Kryeministrin Rama, i cili mban nën sqetull Presidentin dhe niset përpara për fitore të reja.
Me zgjedhjen e Presidentit, Rama nuk ka më asnjë pushtet që nuk e kontrollon, pasi Presidenca ishte kështjella e fundit që nuk ishte zaptuar nga kryeministri gjatë pushteti të tij prej 9 vitesh.
Rama ka nën kontroll 100 % pushtetin vendor, zotëron minimalisht 77 mandate deputetësh në Kuvend, akuzohet se ka vendosur nën kontroll drejtësinë e re, sikundër ka luksin që të përdorë një grup deputetësh demokratë, duke mbajtur të përçarë opozitën.
