Partia Demokratike, ashtu sikundër ka paralajmëruar kreu i saj, Sali Berisha, nis tryezat e konsultimeve me grupet e interesit, lidhur me situatën ekonomike në vend, në kushtet kur ka një rritje të tejskajshme të çmimeve dhe mungojnë rimbursimet për qytetarët, përfshi edhe shtresat në nevojë dhe pensionistët.
Kështu nesër në orën 10.30, në Hotel Tirana, në sallën “Consorcium”, Partia Demokratike dhe Shoqata e Biznesit të vogël e të mesëm, organizojnë tryezën e rrumbullakët për problematikat e biznesit të vogël.
Sipas një njoftimi zyrtar nga PD, në tryezë do të jenë të pranishëm deputetë të PD, ekonomistë dhe ekspertëve të saj si dhe përfaqësues të Biznesit të Vogël dhe të Mesëm. Gjithashtu i pranishem do të jetë edhe Kryetari i PD, Sali Berisha.
