Në ditën botërore të mjedisit, deputeti demokrat Belind Këlliçi, përmes rrjeteve sociale, shkruan me keqardhje mbi atë që po ndodh në kryeqytetin shqiptar, ndërsa shprehet “mjerë Tirana”.
“Qeveria ligjëroi ndalimin e përdorimit të qeseve plastike. “Një epokë e re e Shqipërisë patriotike” e quajti sloganisti Rama.
Në Shqipërinë patriotike që keqqeveris Rama, qeset plastike jo vetëm që janë ende në përdorim, por kushtojnë më shtrenjtë. Ky ishte qëllimi i vërtetë, me e rrit pazarin e plastikës.
Sot është Dita Botërore e Mjedisit. Vendi ynë i ka paraprirë festimeve që me ndërtimin e Arenës Kombëtare.
Për të eliminuar ndotjen nga trafiku do e ndërtojmë stadiumin në truallin ekzistues dhe jo në rrethina, tha asokohe kryebashkiaku i Tiranës. Ndryshe nga qendrat urbane perëndimore, Tirana e ka stadiumin në zemër të saj, se ndryshe ç’vlerë do të kishte kulla në periferi!
Kryebashkiaku i kryeqytetit më të ndotur të Europës e mbyti Tiranën me parqe e lulishte dhe nuk dha asnjë leje ndërtimi për kulla. Se socialistët e kooptuar si Veliaj i mbajnë premtimet elektorale”, ironizon deputeti.
