Deputeti Ervin Salianji thotë se Partia Demokratike po shkon drejt ndarjes, ku ka një pjesë të madhe të Sali Berishës dhe një copëz të vogël, të cilën sipas tij “Basha nuk e lëshon”.
I ftuar në emisionin “Të Paekspozuarit” në MCN TV, Salianji tha se PD duhet të bashkohet dhe se është absurde që deputetët e PD nuk ulen me njëri tjetrin, por disa prej tyre janë të gatshëm të ulen me Ramën dhe Ballën.
“Përpjekje mund të ketë patur por në fund ka rëndësi rezultati. Për degët dhe Këshillin Kombëtar, duhet të kishte zgjerim dhe përfshirje, për të thënë deputetët do të jenë pjesë e procesit, për të patur zgjedhje të pranueshmë nga të gjithë palët. Kjo u kërkua për ti dhënë mundësi bashkimit. Nuk është kurrë vonë. Nuk e kuptoj si mund të kërkosh të ulesh me Ramën dhe Ballën dhe mos ulemi dot ne deputetë të PD, është një përpjekje për të krijuar dy parti. Një parti pak më e madhe, te Berisha dhë një shumë më e vogël, që nuk do ta lëshojë Lulzim Basha”, tha Salianji.
