Fjalimi i Kryeministrit Edi Rama në mbledhjen e Këshillit të Sigurimit në OKB mund të konsiderohet si kulmi i hipokrizisë.
Rama u shfaq shumë i shqetësuar për shkeljen e të drejtave të njeriut
“Vlerat tona themelorë, të të drejtave të njeriut vijojnë të shkelen në mënyrë sistematike dhe masive. Të nderuar delegatë, të gjitha shkeljet e rënda duhen trajtuar me të njëjtën rëndësi. Padrejtësia diku është kërcënim për drejtësinë kudo, siç edhe ka thënë Luther King. Jemi të vetëdijshme që gjendemi në stres të jashtëzakonshme, dhe ne e dimë që kur dështojmë të respektojmë të drejtën për të vërtetën , institucionet tona bëhen më të dobëta. Ne mund të ndihemi edhe të dëshpëruar edhe të paduruar ndaj shkelësve që veprojnë të lirë”, tha Rama.
Mos u habisni, është i njëjti Kryeministër që në Shqipëri shkel të drejtat e njeriut që nga dita kur u ul në karrigen e Kreut të Qeverisë. Ndoshta nuk i keni harruar kur sulmonte me gaz banorë që tentonin të mbronin pronat e tyre, apo kur mbushte qelitë e komisariateve me hallexhinj që nuk paguanin dot një faturë drite. Është i njëjti që godiste pa pushim me gaz protestuesit, pa pyetur se mes atyre kishte të moshuar, gra, fëmijë. I njëjti që ka shembur banesa për ti hapur rrugën projekteve të dyshimta dhe që dhunon nga mëngjesi deri në mbrëmje këdo që ai mendon apo e sheh se ka shumë të drejta.
