Policia e Elbasanit ka nisur kontrolle massive në qytet. Në një njoftim zyrtar bëhet me dije se Forcat e Posaçme Shqiponja, Forcat Operacionale, Policia Kriminale, Patrulla e Përgjithshme, Policia Rrugore, kanë zbritur në terren dhe po ushtrojnë kontrolle për kapjen e personave të cilët qarkullojnë me armë zjarri. Në fokus janë vënë ata që qarkullojnë me mjete me xhama të zinj. Gjithashtu, blutë pretendojnë kapjen e të shpallurve në kërkim dhe të atyre që qarkullojnë me lëndë narkotike.
Njoftimi:
Policia e Elbasanit, Forcat e Posaçme Shqiponja, Forcat Operacionale, Policia Kriminale, Patrulla e Përgjithshme, Policia Rrugore, kanë zbritur në terren dhe po ushtrojnë kontrrolle të befasishme në qytet për kapjen e personave të cilët qarkullojnë me armë zjarri, me lëndë narkotike, për kapjen e personave të shpallur në kërkim, atyre që qarkullojnë me xhama të zinjë të paçertifikuar, apo që drejtojnë mjetet nën efektin e alkoolit apo në gjendje te dehur. Policia bën të ditur se kontrollet e befasishme vijojnë në të gjithë qarkun.
Kjo nuk është hera e parë që ushtrohen kontrolle në Elbasan. Madje këtë muaj, vendi mund të jetë blinduar pesë herë pas rrëfimit të bashkëpunëtorit të drejtësisë Nuredin Dumani. Më shumë se 12 janë ngjarjet kriminale mendohet se janë zbardhur nga dëshmia e Dumanit, duke bërë që SPAK të godasë tetë grupe kriminale që vepronin në Tiranë, Durrës, Elbasan dhe bëhet fjalë për krimet ndër më të rëndat në këto vitet e fundit, ekzekutime mafioze por edhe urdhra për vrasje. Në total u lëshuan 32 urdhërarreste, 9 prej tyre u ekzekutuan në burgje pasi personat në fjalë ishin pas hekurave për vepra të tjera penale. Nëntë persona të tjerë u arrestuan, ndërsa 14 persona u kanë shpëtuar prangave.
14 personat e shpallur në kërkim:
1.Eljo (Ervis) Bitri,
2.Festim Qoli,
3.Alban Bengasi,
4.Ervis Martinaj,
5.Elvin Merlika
6.Alket Xhixha
7. Marjus (Suel) Lulaj (Çela),
8.Agron (Kamber) Mehja,
9. Aleks Çela alias (Tom Qorri),
10. Talo Çela,
11. Agim Gjini,
12.Mikael Qosja (Kamami) (Stefo),
13. Florenc Çapia
14. Abedin Mama (Dine Çami)
