Mbretëresha Elizabeth ka kaluar disa minuta tmerri pasi moti i keq detyroi pilotin e avionit personal të saj të qëndrojë për 15 minuta në ajër, sepse ulja në aeroportin e Londrës ishte thuajse e pamundur.
Avioni privat i Mbretëreshës tentoi të ulej në RAF Northolt, por më pas piloti u tërhoq dhe fluturoi për 15 minuta. Ai u nis nga Aberdeen pas orës 13:00 nën një rrebesh shiu, ndërsa edhe në Londër gjeti një mot me rrufe dhe breshër. Pasi moti u përmirësua, piloti arriti të bëjë ulje të sigurt. Ndërkohë, ngjarja u konfirmua edhe nga Buckingham Palace.
Mbretëresha Elizabeth II, tani 96 vjeçe, është monarkja më jetëgjatë në historinë britanike.
