Presidenti Ilir Meta ka uruar skuadrën e Vllaznisë për fitoren e Kupës së Shqipërisë.
Përmes një postimi në Facebook, Meta shkruan se ky është një trofe i rëndësishëm për historinë e lavdishme të klubit shkodran.
Urime KF Vllaznia! Urime Shkodra! Urime tifozëve kuqeblu! Fitorja e Kupës së Shqipërisë, një trofe i rëndësishëm për historinë e lavdishme të klubit legjendar! Suksese të reja dhe përfaqësim dinjitoz në sfidat ndërkombëtare!”, shkruan Meta.
Vllaznia fitoi Kupën e Shqipërisë për herë të 8-të në historinë e saj, duke shtuar një tjetër trofe të rëndësishëm për historinë e klubit.
Një trofe të cilin këtë herë e ngritën lart njëkohësisht dy kapitenë. Erdenis Gurishta mori trofeun nga duart e presidentit të FSHF-së, Armand Duka, por nuk ishte ai që e ngriti i vetëm lart. Kapiteni i kuqebluve zgjodhi që këtë ta bënte bashkë me Ardit Krymin, i cili largohet këtë verë nga ekipi kuqeblu për të luajtur jashtë Shqipërisë, pasi deri tani kishte luajtur vetëm me ngjyrat e kësaj skuadre.
