Një minator është plagosur gjatë punës në Bulqizë.
Policia bëri me dije se rreth orës 12.00, është dërguar për ndihmë mjekësore në spitalin e Bulqizë B.T., 51 vjeç, i cili gjatë punës në një minierë kromi në qytetin e Bulqizës, është aksidentuar duke u lënduar në këmbë.
Pas ndihmës së marrë në spitalin e Bulqizës, ai është dërguar për ndihmë më të specializuar mjekësore drejt Tiranës dhe ndodhet jashtë rrezikut për jetën, shtuan të njëjtat burime.
Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje, mbyllet njoftimi i bluve.
