Këngëtarja Ryva Kajtazi, e ftuar në emisionin “Shija e Anës”, ka diskutuar për gjuhën e urrejtjes që mbizotëron sot në rrjetet sociale.
“Është goxha si fenomen edhe është përhapur shumë. Normalisht edhe sigurisht që ndjehesh keq edhe varet prej gjendjes emocionale në të cilën ti ndodhesh. Neve vetëm profesioni na dallon, domethënë jemi njerëz, profesionet e i kemi ndryshe-ndryshe. Por unë vetëm sepse kam zgjedhur profesionin që të jem fytyrë publike, nuk ta japë ty të drejtën të më paragjykosh dhe të më ofendosh”, tha Kajtazi.
Më tej, ajo foli edhe për komentet që akuzojnë atë për kryerjen e operacioneve plastike.
“Nëse ty nuk të pëlqen një punë e imja, pamja ime fizike – ekziston mundësia për të ma bërë ‘unfollow’ edhe je rehat me veten tënde. Pse e merr mundimin edhe nervozohesh me pamjen time edhe harxhon kohë duke me shkruar: ‘Çka je bërë kështu me operacione plastike?’, ‘S’po njiheni’, ‘A je Tayna?’, ‘A je kjo’”, tha Ryva.
Këngëtarja dhe aktorja tha se nganjëherë aq shumë akuzohet për “operacione plastike”, sa i duket se sipas komenteve të njerëzve, ajo qëndron vazhdimisht në sallën e operacionit.
“Nganjëherë të mbushet mendja sikur vetëm në sallë të operacionit rri. Nganjëherë i them trajneres time: Më xhiro, ngase prej ushtrimeve të bjen sheqeri edhe të vjen të kthesh edhe vetëm shtrihesh në tokë dhe thua ‘vdiqa’, dhe pas asaj shkruajnë komente të tipit: ‘Je full operacione’”, tha më tej këngëtarja.
