Gjykata e Posaçme ka nisur procesin gjyqësor ndaj Erion Alibejt, Xhuliano Hoxhës dhe Euglen Halilit.
Halili është i penduar i drejtësisë. Këta persona akuzohen për vrasjen e Emiliano Ramazanit dhe Regis Runajt, ngjarje të ndodhura në korrik 2020 në Elbasan.
Prokuroria thekson se organizator i vrasjeve dhe porositës ka qenë Erion Alibej. Kjo pas dyshimeve se të vrarët ishin të përfshirë në ekzekutimin e vëllait e të xhaxhait në Brandashesh.
SPAK kërkoi pyetjen e 24 dëshmitarëve, mes të cilëve Nuredin Dumani dhe Henrik Hoxha, të penduarit e drejtësisë në dosjen “Golden bullet”.
Avokatët e të pandehurve pretenduan mospërputhje të deklarimeve të të penduarve Halili dhe Hoxhaj e Dumani për të njëjtat episode kriminale. Prokurori i çështjes tha se i qëndronte deklarimeve të dhëna nga Euglen Halili.
