Një shqiptar 24 vjeç u la në burg, pasi u kap në një “shtëpi të barit”.
Nëse droga e kultivuar nga shqiptari do të shitej në treg, do të kapte vlerën e 160 mijë paundësh.
Llesh Kaci quhet shqiptari që u gjet duke kultivuar lëndën narkotike, ndërsa më herët ai kishte hyrë në mënyrë ilegale në Britaninë e Madhe.
Mediat në gjuhën angleze shkruajnë se Kaci kishte braktisur Shqipërinë për jetë më të mirë në Angli.
Gjykata dëgjoi se shqiptari kishte pranuar të punojë në “shtëpi bari” për një bos droge, për të shlyer borxhet që kishte marrë teksa ka hyrë në territorin britanik.
Shqiptari theu këmbën, teksa tentoi që të ikë nga policia.
Ai u dënua përfundimisht me një vit e 3 muaj burgim, për akuzën e prodhimit të një droge të klasit B.
