Kryebashkiaku i Tiranës, Erion Veliaj, u shpreh se Partia Socialiste ka të paktën 10 kandidatura, burra e gra, që mund të jenë në postin e Presidentit të vendit.
Në një intervistë për News24, Veliaj tha se emrat e propozuar nuk i përkasin Grupit Parlaentar të PS, ndërsa theksoi se zgjedhja e Kreut të ri të Shtetit do të realizohet në raundin e 4-rt me votat e mazhorancës.
“Tre herë, pra në raundet e para, ne si mazhorancë i dolëm borxhit opozitës dhe nuk është faji ynë që opozita nuk gjen dot gjuhën e përbashkët në oborrin e SHQUP. Ne pritëm nga opozita emra, por nuk i sollën. Institucioni i Presidentit duhet të kthehet në normalitet. Harxhuam kohë me një President për shkak të lajthitjeve të tij”, tha Veliaj.
Ai u shpreh se ndër emrat që janë propozuar janë edhe figura që më të shumtën e kohës kanë qenë djathtas, sesa brenda familjes politike të PS-së.
