Delegacioni i Bashkimit Evropian në Shqipëri ka shprehur ngushëllimet për ndarjen nga jeta të ish-Presidentit Nishani.
Përmes një postimi në rrjetin social, Delegacioni shprehet se Nishani ka dhënë një kontribut të rëndësishëm për afrimin e Shqipërisë me Bashkimin Europian.
“Me dhimbje të thellë mësuam për ndarjen nga jeta të Presidentit Bujar Nishani. Si Ministër i Drejtësisë, i Brendshëm dhe President, ai ka dhënë një kontribut të rëndësishëm për afrimin e Shqipërisë me Bashkimin Evropian. Ngushëllimet tona të përzemërta familjes, miqve dhe kolegëve të tij.”
Ish-Presidenti i Republikës, Bujar Nishani, ka ndërruar ditën e sotme, një muaj pasi ishte shtruar në gjendje të rëndë në një spital në Gjermani. Situata shëndetësore e ish-Kreut të Shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi i ka lënë në organizëm.
