Presidenti i Republikës Ilir Meta ndodhet sot në Kosovë për të marrë pjesë në 110-vjetorin e Kuvendit të Junikut.
Meta dhe Presidentja Osmani kanë mbërritur së bashku në Komunën e Junikut, ku janë mikpritur nga dhjetëra qytetare.
Meta e Osmani kanë përkujtuar sot 110-vjetorin e mbajtjes së Kuvendit të Junikut.
Meta tha se ky Kuvend kishte kontribut të jashtëzakonshëm në Pavarësinë e Shqipërisë.
“Shqiptarët krenohen me Kuvendin e Junikut, të atyre burrave të kombit tonë që para 110 viteve lëshuan thirrje për mbrojtje të trojeve shqiptare. Për 4 ditë e net, u diskutua dhe debatua, për bashkimin e një kryengritje të përbashkët në Kosovë dhe Veriun e Shqipërisë.
Në atë Kuvend, u lidh besa për çlirimin e trojeve shqiptare. Kuvendi i Junikut paraqiti platformën e pastër për çlirim. Treguesi i qartë ishin 12 pikat e programit të dalë nga Kuvendi i Junikut”, tha Meta ndër të tjera.
