Prej orës 08:00 ka nisur procesi i votimit për zgjedhjen e kreut të ri të PD, ndërsa në garë janë Salli Berisha dhe Ibsen Elezi.
Videot e mëposhtme tregojnë momentet e para nga nisja e procesit të votimit, ndërsa po përdoret e njëjta skemë si në rastin e referendumit të 18 dhjetorit, përsa i takon qendrave të votimit dhe administrimit të procesit zgjedhor.
Ish-Kryeministri Sali Berisha në deklaratat publike ka folur për 44 mijë misionarë, referuar anëtarëve të PD, ndërsa me interes pritet se sa do të jetë pjesëmarrja në procesin e sotëm zgjedhor.
Në të gjithë vendin funksionojnë 108 qendra votimi, bazuar në degët e kësaj partie, ndërsa Tirana ka edhe numrin më të lartë, pasi përfshin 16 degë.
