Programi “Too Hot to Handle” do të vijë në versionin shqiptar në Top Channel, pas “PërPuthen”.
Formati, thuhet se i është besuar Olsa Muhametit dhe do të zgjasë gjatë gjithë verës. Pjesë e formatit do të jenë beqarët më të njohur nga “PërPuthen”.
Seriali “Too Hot to Handle” ndjek një kast personazhesh thelbësorë që besojnë se do të kenë një pushim ëndrrash. Festa të mbushura me beqarë të veshur në mënyrë paksa provokuese dhe banja dielli, por i gjithë seriali bazohet tek një “trik” i vetëm.
Kasti duhet të përmbahet nga të gjitha aktivitetet seksuale, përfshirë dhe puthjet gjatë gjithë kohëzgjatjes së xhirimeve të shfaqjes. Nëse ata janë në gjendje të mbajnë duart larg njëri-tjetrit, mund të largohen me një çmim prej 100,000 dollarësh që ndahet mes konkurrentësh. Sa herë që një çift thyen rregullat, paratë zbriten nga çmimi.
