Spanja ka miratuar një projekt-ligj që do të heqë kërkesën që vajzat 16 dhe 17-vjeçare të kenë pëlqimin prindëror përpara se të ndërpresin shtatzëninë.
Projektligji i ri synon të reformojë një ligj të mëparshëm për abortin, të miratuar nga Partia Popullore konservatore në 2015. Zëdhënësja e qeverisë Isabel Rodriguez tha se projektligji përfaqëson “një hap të ri përpara për demokracinë”.
Gjithashtu nëse projektligji miratohet, Spanja do të bëhet vendi i parë në Evropë që u ofron punëtorëve të saj pushim menstrual me pagesë.
Në Spanjë, aborti vullnetar lejohet deri në javën e 14-të të shtatzënisë.
Ministrja e Barazisë Irene Montero tha se institucionet qeveritare duhet të “heqin tabutë, stigmat dhe fajin në lidhje me trupat e grave”.
