Ilir Meta tha se raportimi i medias austriake “Kronen Zeitung”, që pretendonte se kreu i shtetit kishte paguar 700 mijë euro përmes një kompanie lobimi për të marrë pjesë në ceremoninë e inaugurimit të Trump si President, është gënjeshtër.
Kreu i shtetit, në një deklaratë për gazetarët këtë të Martë, tha se akuzat në artikull janë një rifabrikim i një artikulli të mëparshëm të medias pranë Xhorxh Soros, “Mother Johnes”.
Meta bëri me dije se është lajmëruar ambasada austriake në vendin tonë dhe ndaj medias do ngrihet një padi.
“E kam parë atë shkrimin pa emër për presidentin e një vendi, s’ka rëndësi kush është ai. S’është gjë tjetër veçse ripërtypje në publik e disa shpifjeve nga revista e njohur father Xhorxh”, theksoi kreu i shtetit.
Një reagim të ngjashëm bëri dhe zëdhënësi i Metës një ditë më parë.
