Deputeti i PD, Enkelejd Alibeaj, u shpreh sot se opozita po bën detyrën e saj dhe po merr pjesë në procesin për zgjedhjen e Presidentit të ri të vendit.
Megjithëse Alibeaj nuk ka mbështetjen e Komisionit të Rithemelimit, i cili ka mandatuar Luçiano Boçin dhe Oerd Bylykbashin për negociata, ai vijon të negociojë me Taulant Ballën dhe të shpresojë në konsensusin për zgjedhjen e Kreut të ri të Shtetit.
“Raundi i parë mbaroi, kuptohet çfarë fshihet pas saj. E bëmë detyrimin tonë. Të merrni pjesë në proces.
Arsyetimi fare i thjeshtë. Kjo mazhorancë nuk e ka legjitimitetin për të zgjedhur Presidentin. Duhet një President mbi palët.
Qëndrimi ynë i qartë. Kemi bërë një deklaratë të çuar zyrtarisht mazhorancës. Me një logjikë të thjeshtë.
Nëse duhet të zgjedh Presidentin e gjithë shqiptarëve, duhet një president konsensual. Duhet një proces i besueshëm”, tha Alibeaj.
