Nga Shkodra ku po zhvillon takimin me demokratët, ish-Kryeministri Sali Berisha u shpreh se rrëzimi i rezolutës që dënonte gjenocidin serb në Bosnje ishte një turp.
“Edi Rama e bëri Shqipërinë gazin e Botës me votën kundër rezolutës, turpëroi shqiptarët. E dini pse e bvri ai këtë veprim? Sepse ai mendon njëlloj si Dodik, gangsteri Vulin apo padroni i tij, Vuçiç”, tha Berisha.
Ish-Kryeministri e quajti Skënderbeun si Davidin e shqiptarëve.
“Davidi ynë u përball me Goliathin më të rrezikshëm të kohërave dhe qëndroi e shkruajti ato faqet e historisë që janë frymëzues për çdo shqiptar. Skënderbeu është real, është frymëzues për secilin prej nesh, ndaj ne duhet të qëndrojmë në kauzën tonë të drejtë”, tha Berisha.
