Prokuroria e Lezhës ka mbyllur hetimet për Edmond Përdodan, i cilia kuzohet për vrasjen e rapsodit Kol Murrani dhe mikut të tij Preng Simoni, ngjarje e cila ka ndodhur në vitin 2020,në fshatin Lalm Lukaj të Kolshit.
Përdoda është akuzuar për vrasje me paramendim. Ndësa dy javë më parë vëllai i tij Aleksander Përdoda u dënua me burg të përjetshëm.
Ndaj Edmond Përdodes, prokuroria ka ngritur akuzat “Vrasje me paramendim” e kryer në bashkëpunim dhe “Armbajtje pa leje”.
Dosja penale është mbyllur dhe brenda pak ditësh organi i akuzes do ta dërgojë në gjykatë, ku do të hidhet në short për të nisur gjykimin paraprak.
Pas gati 2 vitesh në arrati, Edmond Përdoda u arrestua në muajin shkurt të këtij viti në banesen e tij në fshatin Lalm i Ri të Lezhës. Për prangosjen e Përdodës, krahas policisë së Lezhë u angazhuan dhe Forcat RENEA.
Pas arrestimit ai pranoi autorisinë e vrasjes së dyfishtë, duke treguar dhe vendin ku kishte fshehur armet e krimit, të cilat ishin groposur në mal pak metra larg vendit të ngjarjes.
Ai mohoi përfshirjen e të vëllait Aleksander Përdoda në këtë krim të dyfishtë, duke deklaruar se kishte vepruar i vetem. Por nga veprimet hetimore dhe provave të grumbulluara, prokruroria e Lezhës doli në konkluzionin se në vrasjen e rapsodit KolMurrani dhe mikut të tij Preng Simoni janë përfshire të dy vëllezërit Përdoda, pavarësisht se Aleksander Përdoda icili u dënuangaGjykata e shkallës së parë në Lezhë me burgim të përjteshëm e ka mohuar në vazhdimësi përfshirjen e tij në këtë ngjarje dhe madje vendimi është ankimuar në Gjykatën e Apelit në Shkodër.
Rapsodi Kol Murrani dhe miku i tij Preng Simoni u gjeten të vrarë me armë zjarri më 27 prill të vitit 2020, pranë shtëpive të tyre të vjetra në fshatinLalmLukaj, të Njësisë Administrative të Kolshit. Ata kishin shkuar në vendlindje, por u përballën me persona të armatosur në tokat e tyre.Trupat e viktimave janë lënë në pyll për rreth 5 orë dhe janë gjetur nga djali i Kol Murranit, që kishte dalë të kërkonte babanë me të cilin kishte humbur çdo kontakt prej orësh të tëra.
