Ish-kryeministri Sali Berisha ka qenë i pranishëm përpara Kryeministrisë, në protestën e organizuar në Tiranë dhe kudo në komisariatet e vendit, pas vdekjes të të riut Ilvi Meta në Komisariatin e Kavajës.
Berisha tha se në Shqipëri të rinjtë hyjnë në komisariate dhe dalin arkivole, për shkak se në Policinë e Shtetit janë të rekrutuar vrasës e përdhunues.
Berisha: Çdo qytetar i këtij vendi që shoqerohet në komisariatet e policisë, ai ka të garantuar me ligj, jetën, paprekshmërinë dhe dinjitetin e tij. Kjo është për çdo vend të lirë kurse në Shqipëri, është një seri tragjike të rinjsh, të cilët hyjnë e shkojnë në qeli të shoqëruar dhe dalin me arkivol. Rasti i fundit i Ilvi Metës dëshmon fytyrën e vërtetë të shtetit shqiptar. U shoqerua në qeli dhe brenda disa orëve del nga komisariati me arkivol.
Unë ju garantoj juve se shkaku themelor i këtyre vdekjeve vrasjeve apo vetëvrasjesve në qeli të cilat në të dy rrethanat janë shtetërore, shkak më më kryesor është rekrutimi në policinë e shtetit i pengmarrësve, trafikantëve, përdhunuesëve dhe vrasësve ordinerë.
